1. Ĝemeloĉapitro

1. La menso antaŭas la aĵojn,
gvidas ilin, faras ilin.
Se kun menso malbona
Oni parolas aŭ agas,
Onin la nekontentigo sekvas
Kiel rado la padon de l' tirbovo.

2. La menso antaŭas la aĵojn,
gvidas ilin, faras ilin.
Se kun menso klara
Oni parolas aŭ agas,
Onin ĝojo sekvas
Kiel ombro ne foriranta.

3. "Li insultis min, li batis min,
li venkis min, li prirabis min" -
kiuj tiel grumbladas,
ties venĝemo ne ĉesas.

4. "Li insultis min, li batis min,
li venkis min, li prirabis min" -
kiuj tiel ne grumbladas,
ties venĝemo ja ĉesas.

5. Ja ne per venĝemo venĝemoj
iam ĉesas ĉie tie.
Per malvenĝemo ili ja ĉesas.
Jen dharmo eterna.

6. Aliaj ne komprenas
ke ni ĉie tie mortos.
Kiuj tion komprenas,
Ties kvereloj ĉesas.
----------


Siv Sjögren / 20 februaro 2005