Dana himno: Der er et yndigt land Ho, vi ĉarmega land' kun larĝaj, verdaj fagoj ĉe balta, mara strand'! Belege, mole, ondas vi, ho, Danmark Dia Freja hejmadas tie ĉi. Timigaj en batal' pratempaj viroj vivis en via paca val'. Sub baŭtaŝtono sur montet' iliaj ostoj kuŝas en nokta tombkviet'. Ankoraŭ bluas mar' ĉe vi, Danlando bela, kaj verdas fagarbar'. Ankoraŭ vivas tie ĉi la viking-posteuloj, la dana gento: ni! La klara dana vort' la kredo je la bono, jen estas nia fort'. Maljuna Danmark! Restos vi, dum kiam speguliĝas en maro fagfoli'. Finna himno: Maamme Ho, patra land', amata ter' sonegu kara vort'! Nenia val', nek bord' en ver' etendas sin sub la eter', ravanta pli, amata pli ol la patruĵ de ni. Florado via el embri' disvolvos riĉe sin! La lum', la ĝoĵ, l' esper' de vi eliros el la am' de ni, kaj plilaŭtiĝos en l' aer' la kant' de l' patra ter'. Islanda himno: O Gud vors lands Hejmlanda Di', hejmlanda Di'. Ni laŭdas la nomon, la sanktan de vi! Girlandon kunplektas el sunaŭreol' la tempoj, jen via legi'. Por vi estas taĝ kiel jaroj mil, kiel tago mil jaroj, ne pli, floret' de eterno kun rosa trembril', kiu vivas kaj mortas en vi. Islandaj jaroj mil floret' de eterno kun rosa trembril', kiu vivas kaj mortas en vi. Norvega himno: Ja, vi elsker dette landet Jes, ni amas nian landon, kia ĝi de l' mar' levas ventmorditan randon kun hejmdoma ar' - amas ĝin dum ni admiras patron kun patrin' kaj sagaon kiu spiras revojn super nin. Vi norveĝ en dom', kabano, Danku nun al Di'! Li nin gardis sub la mano eĉ dum dubis ni. Kiom niaj patroj penis - dum patrina plor' - Li la lukton venke benis por la rajthonor'. Jes, ni amas nian landon, kia ĝi de l' mar' levas ventmorditan randon kun hejmdoma ar'! Kiel patroj grandmerite luktis ĝin al glor', ankaŭ ni, se postulite kampos en deĵor'. Sveda himno: Du gamla, du fria Vi alta, libera, multaĝa Nordland', vi gaja, silenta, ho vi bela! Saluton al vi, nia plej kara land', al via verdherbeĵ kaj sun' ĉiela! Vi tronas fiere sur granda memor', eĥinta kun glor' de bord' al bordo. Vi estas kaj restas eterne kun glor'. Ke vivu mi kaj mortu en la Nordo!